Утром 25 мая. Строи́теля земли́ на́шея во дни нестрое́ния,/ ве́рнии, соше́дшеся, восхва́лим,/ я́ко земле́ на́шей путь правосла́внаго строи́тельства пропове́да,/ и, самозва́нныя богопрот

Тропа́рь глас 4:

Росси́йския зе́мли первопресто́льниче/ и неусы́пный о ней к Бо́гу моли́твенниче!/ За ве́ру Христо́ву и па́ству твою́ ду́шу свою́ положи́в,/ страну́ на́шу от нече́стия изба́вил еси́./ Те́мже вопие́м ти:/ спаса́й нас моли́твами твои́ми,/ священному́чениче Ермоге́не, о́тче наш.

Ин тропа́рь, глас 4;

Приспе́ день све́тлаго торжества́,/ град Москва́ ра́дуется,/ и с ним Русь Правосла́вная ли́ковствует/ пе́сньми и пе́ньми духо́вными:/ днесь бо свяще́нное торжество́/ в явле́нии че́стных и многоцеле́бных моще́й/ святи́теля и чудотво́рца Ермоге́на,/ я́коже со́лнце незаходи́мое возсия́ светоза́рными луча́ми,/ разгоня́я тьму искуше́ний же и бед/ от вопию́щих ве́рно:/ спаса́й нас, я́ко предста́тель наш, вели́кий Ермоге́не.

На хвали́тех стихи́ры:

Сти́х:Сотвори́ти в них суд напи́сан./ Сла́ва сия́ бу́дет всем преподо́бным Его́.

Глас 7: Сотвори́те в пе́снех суд напи́сан,/ сла́ва сия́ бу́дет вели́кому Ермоге́ну:/ той бо есть Правосла́вия ревни́тель/ и всея Ру́си храни́тель,/ я́ко оре́л, птенцы́ своя́ покрыва́ли.

Сти́х: Хвали́те Бо́га во святы́х Его́,/ хвали́те Его́ во утверже́нии си́лы Его́.

Хвали́те Бо́га во святе́м Его́:/ той бо возвели́чил есть Его́/ и во всех де́лех Его́ оправда́л есть Его́/ утвержде́нием си́лы Его́.

Сти́х: Хвали́те Его́ на си́лах Его́,/ хвали́те Его́ по мно́жеству вели́чествия Его́.

Хвали́те свята́го в си́ле его́:/ вся бо мо́жет о укрепля́ющем Иису́се./ Хвали́те его́ по мно́жеству чуде́с его́:/ вся бо неду́жныя исцеля́ет о И́мени Госпо́днем.

Сти́х: Хвали́те Его́ во гла́се тру́бнем,/ хвали́те Его́ во псалти́ри и гу́слех.

Хвали́те свята́го во псалме́х и пе́снех,/ хвали́те его́ в пе́ниих духо́вных,/ велича́йте сла́ву оте́ц на́ших,/ воспева́йте утвержде́ние земли́ на́шея,/ ра́дуйтеся о не́м и весели́теся.

Сти́х: Хвали́те Его́ в тимпа́не и ли́це,/ хвали́те Его́ во стру́нах и орга́не.

Хвали́те свята́го в собо́ре освяще́нных,/ похвали́те его́, вси лю́дие:/ той бо есть красота́ церко́вная,/ той бо есть доброта́ наро́дная,/ той бо есть ра́дость на́ша.

Сти́х: Хвали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода.

Хвали́те свята́го во святи́телех,/ похвали́те его́ во Святе́йших Патриа́рсех,/ ублажи́те его́ во испове́дницех/ и просла́вите его́ во свяще́нному́ченицех./ Хвали́те его́ во всех де́лех его́.

Сла́ва: Прииди́те, ублажи́м па́стыря до́браго земли́ на́шея,/ за ве́ру Ру́си вся претерпе́вшаго,/ и за Правосла́вие и Оте́чество ду́шу свою́ положи́вшаго,/ и ны́не ми́лостию Бо́жиею чудотво́рца,/ явле́ннаго во утвержде́ние ве́ры немощству́ющих,/ и во исцеле́ние всех неду́гующих,/ и во упокое́ние озло́бленных грехи́ мно́гими,/ да вси возра́дуемся и да пое́м ему́:/ ра́дуйся, лю́бы, нас согрева́ющая;/ ра́дуйся, сило́, нас исцеля́ющая;/ ра́дуйся, ра́зуме, всех просвеща́яй;/ ра́дуйся, стра́же, Правосла́вие на́ше охраня́яй;/ ра́дуйся, святи́телю Ермоге́не.

И ны́не, Богоро́дичен: <см. основной Чин>

<далее см. основной Чин>