УрҺа зандн модна сӘӘниг зорн бӘӘҖ меддг, Үнн сӘн седклиг тевчн бӘӘҖ меддг.

↑

⇐ ПредыдущаяСтр 119 из 156Следующая ⇒

УРҺА ЗАНДН МОДНА СӘӘНИГ ЗОРН БӘӘҖ МЕДДГ, ҮНН СӘН СЕДКЛИГ ТЕВЧН БӘӘҖ МЕДДГ.

Зандн модн бәәдләрн сәәхн өңгтә. Чинрәрн терүнлә әдлцдг сән модн уга. Юн чигн моднас урһа занднас батнь болн сәнь уга болдмн. Юңгад гихлә, эн модыг зорсн цагт, утх болһн дааҗ чадхш, тегәд чигн энүнә чинр зорхла оч медгднә. Иим модыг әмтн икәр таасна. Тедү мет үнн сән седклтә күн бас әмтнд таасгдна, тер учрар тиим сән седклтә күүг тевчх кергтә гиҗ эн үлгүрт сурһмҗ өггдҗәнә. Тер зандн модна сән-мууһинь утхар зорхла, тегәд оч медгднә. Кен чигн күүнә сән седклинь тевчн бәәҗ медх кергтә.

УРНА АМНЬ ТОСТА.

Урн күн олврта, тегәд тер кезәчн теҗәл-теткүлтә, уух хотта, өмсх хувцта гисн чинртә үгмүд. Урн күн гисн эрдмтә, медрлтә күн гисн үг. Урна медрлинь тус-тустнь авад келхлә, йир олн зүсн: төмрин халхин урн, алтн-мөңгнә урн, модна урн, хувц-хунрин урн, һосна урн, хатхмр хатхдг урн, талдан чигн зүсн-зүүл урн бәәнә. «Амнь тоста» гисн үгин учр-утхнь: тер эврәннь урн медрләрн көдлмш кехлә, тедн цуһар теҗәл-теткүлтә, геснь цадхлң, ээмнь бүтн бәәцхәнә.

УРНЛА УУД БИЧӘ БУЛАЛД, УХАТАЛА ҮГ БИЧӘ БУЛАЛД.

Урн күүнә өмн бичә һархар сед, эс гиҗ урн күүнәс деер бичә болхар сед. Тер кезәчн урн биш күүнәс деер. Тедү мет ухата күүнлә үгәр бичә метклд, тер кезәчн келх үгәрн үлү, күүнд зүтклдҗ үг өгшго гисн сурһмҗ эн үлгүрт өггдҗ, урн ухата хойриг дүңцүлҗ медүлҗәнә. Ууд бичә булалд гисн урнла кергәрн бичә әдлцхәр сед гисн үг. Ууд булалдна гисн зерглцнә, терүнә өмн һархар седнә гисн чинртә. Үлгүринь, урлданд түрүн йовх хойр мөрн ууд булалдҗ (зерглдҗ) йовна. Ууд мөрнә хазарин хойр төмр төөлг.

УС УУСН ХУДГТАН БИЧӘ НУЛЬМ.

Худгас ус ууһад ундан хәрүлчкәд, тер худгтан нульмна гидг ик му болн хаҗһр йовдл гиҗ, келх кергтә. Энүнд зуг һанцхн худгин усна тускар келгдҗәхш. Кен чигн күн эврәннь бәәршҗ бәәх һазран му келҗ һолхмн биш гиҗ келгдҗәнә. Хойрдвар болхла, күүнәс тус үзчкәд, түрсн цагтан күүнәс дөң авчкад, терүгән мартчкад, тер тус үзүлсн, дөң болсн күүһән му келхмн биш гисн сурһмҗ энүнд өггдҗәнә.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США